١٩

بعد دراسة تسعة عشر سنة سوياً، و بعد أن تخرجنا معاً.. آن لي أن أكتب هذه الأبيات

تسعة عشر عامٍ مضت من عرفته        مرت علي من تالهــا.. للأوايل

واحد و أي واحد إذا انك كتبـــته        أصقار عن يمناه عد الهمايل

لولاه بعد الله ما كــــان ذقتــــــه         طعم الهداية من نقي الهطايل

يوم اتصل جوال و الصيف وقتــه        قال الحق قهوتك على ما تخايل

جيته وانا جدبٍ لــــــبرقٍ لمحتـــه        صوب الهزيم اقفيت و القلب مايل

عنده لقيت الخير في عـــزّ وقـــته         ما قلتها جمالة.. ولاني متحايل

خوتــك يا كحيــلان تاج رفعـــته        ما جاوزه نجمٍ ولا هو بطايل

بير الصداقة نابع من حفرتـــــــه         لو هو يوزع كان يرفى قبايل

و الصاحب اللي وجبك لا زهمته          تفدى خياله شامخات الطوايل

المسك لا مريــت جـــوه شممتـــه          وان كنت حوله ثبتك في الهوايل

لو كان جمعة صرت من قبل سبته        أبدا و ينهي لكـــــــن البعـــد زايل

لا هنت يا سامع قصيدٍ نظمتـــه           له بالمديح اليوم ما جيت كايل

كل العرب أجواد حــــقٍ و قلتـــه          لكن أصابع يدك ما هي مثايل

يالربع لو باهــدي ربيعي وهبــته          لمحمد السقاف راع الجمايل

وصلوا على المختار كل ما ذكرته         و الآل و الأصحاب بيض الفعايل

…

ياسر بن خالد الدعيلج الخريصي