هذي قصيدة محمد الديري العتيبي لما صار بجيزان مع الأمير محمد السديري، و طلب من رئيسه إنه يرخصه عشان يرجع لأهله بالدوادمي فرفض، و لكن سمح له يروح بشرط يتحرى منهم تلفون إذا احتاجوه عشان يرجع، الديري ما جاز له الوضع فنصى الأمير و قال له هالابيات:

 باكر ليا جا العيد وبلادك بعيــــــــد ……. مع من تعيد ياغريب ٍ بجيــــــــزان
ومع من تقول العيـد مبـروك وسعيــد ……. وتزاور اللي زارك الكـــل  فـــرحان
عيــدٍ بدار غيــــــرك ماهو عيــــــد ……. ولا الصيــام صيام في كل الاوطــان
 وشوفـك لهلك يجـدد العمر تجــديـد ……. هم يفرحون بشوفتـك وانت طــربان
 وانا بـــــرجوا الله ثمـــــــن ببوزيـد ……. من شان شـاني يجتهد قــد الأمـــكان 
مثل اللذي قد فـــات عـــود وتراديــد ……. وجـه الزمان ان شـان ابوزيـد ماشـان
والرخصـــة اللي بالقصــى والتحاديــد ……. مالي بهــا مطموع ياطيرحـــــوران
 لاصــار به معروف مع قصرة القيـــد ……. من لا يسـوي ذنب ما احتـاج غفران
 اقعـد ومثلي من قعــد عند اجـــــاويد ……. انـت المعـزب واخويـا الجم شلـــقان
 ماوالله اوجـس من قــــربهم تناكيــد ……. عيـالٍ قروم وللخـوي عنـدهم شـــان 
ولابي محســـه مار شــوق وتراديــــد ……. وروابــعٍ لازم تحـــــرك بالانســـان 
انا ولـدك ومنـك يامطلــــق القيــــد ……. وديني على دينك وهو خيـرالاديــان
تمــــت ولا ودي على اللازم ازيـــــــد ……. ابيــات رمزيـه ومظـــمونها بــــان

طبعا الأمير قال له: رح يالديري لم أهلك بالدوادمي و لا ترجع إلا لما يطيب خاطرك بس لا تحطن بحلق الشلقان اللي هم أخويا الديري